ನವದೆಹಲಿ: ಏಪ್ರಿಲ್ 1ರಿಂದ ಭಾರತದಲ್ಲಿ ಎಟಿಎಂ ಸೇವೆಗಳ ಬಗ್ಗೆ ಹಲವು ಮಹತ್ವದ ಹೊಸ ನಿಯಮಗಳು ಜಾರಿಗೆ ಬರಲಿದ್ದು, ಹಣ ತೆಗೆಯುವ ವಿಧಾನ, ಮಿತಿ ಹಾಗೂ ಶುಲ್ಕಗಳಲ್ಲಿ ಬದಲಾವಣೆಗಳು ಆಗಲಿವೆ.
ಭಾರತದ ಪ್ರಮುಖ ಬ್ಯಾಂಕುಗಳು ಎಟಿಎಂ ಬಳಕೆ ಸಂಬಂಧ ಹೊಸ ನಿಯಮಗಳನ್ನು ಜಾರಿಗೆ ತರಲು ಮುಂದಾಗಿವೆ.
ವಿಶೇಷವಾಗಿ HDFC Bank ತನ್ನ ಯುಪಿಐ ಆಧಾರಿತ ಎಟಿಎಂ ವ್ಯವಹಾರಗಳಲ್ಲಿ ಬದಲಾವಣೆ ಮಾಡಿದ್ದು, ಇನ್ನುಮುಂದೆ ಯುಪಿಐ ಮೂಲಕ ಎಟಿಎಂನಲ್ಲಿ ಹಣ ತೆಗೆಯುವ ವ್ಯವಹಾರಗಳನ್ನು ಪ್ರತ್ಯೇಕವಾಗಿ ಪರಿಗಣಿಸುವುದಿಲ್ಲ.
ಅವುಗಳನ್ನು ತಿಂಗಳಿಗೆ ನೀಡಲಾಗುವ ಉಚಿತ ವ್ಯವಹಾರಗಳ ಮಿತಿಯಲ್ಲೇ ಸೇರಿಸಲಾಗುತ್ತದೆ. ಇದರಿಂದ ಯುಪಿಐ ಮೂಲಕ ಹಣ ತೆಗೆಯುವ ಗ್ರಾಹಕರಿಗೂ ಉಚಿತ ವ್ಯವಹಾರಗಳ ಮಿತಿಯೊಳಗೆ ಲೆಕ್ಕ ಹಾಕಲಾಗುತ್ತದೆ.
ಉಚಿತ ವ್ಯವಹಾರಗಳ ಮಿತಿ ಮೀರಿ ಹಣ ತೆಗೆಯುವಲ್ಲಿ ಪ್ರತಿಯೊಂದು ವ್ಯವಹಾರಕ್ಕೂ 23 ರೂ (ತೆರಿಗೆ ಹೊರತುಪಡಿಸಿ) ಶುಲ್ಕ ವಿಧಿಸಲಾಗುತ್ತದೆ.
ಪ್ರಸ್ತುತ, HDFC ಬ್ಯಾಂಕ್ ತನ್ನ ಎಟಿಎಂನಲ್ಲಿ ತಿಂಗಳಿಗೆ 5 ಉಚಿತ ವ್ಯವಹಾರಗಳನ್ನು ನೀಡುತ್ತದೆ. ಇತರ ಬ್ಯಾಂಕ್ ಎಟಿಎಂಗಳಲ್ಲಿ ಮೆಟ್ರೋ ನಗರಗಳಲ್ಲಿ 3 ಹಾಗೂ ನಾನ್-ಮೆಟ್ರೋ ಪ್ರದೇಶಗಳಲ್ಲಿ 5 ಉಚಿತ ವ್ಯವಹಾರಗಳಿಗೆ ಅವಕಾಶ ಇದೆ.
ಇನ್ನೊಂದೆಡೆ Punjab National Bank ತನ್ನ ಡೆಬಿಟ್ ಕಾರ್ಡ್ಗಳಿಗೆ ದಿನದ ಹಣ ತೆಗೆಯುವ ಮಿತಿಯನ್ನು ಪರಿಷ್ಕರಿಸಿದೆ. ಈಗ ಗ್ರಾಹಕರು ತಮ್ಮ ಕಾರ್ಡ್ನ ಪ್ರಕಾರ ದಿನಕ್ಕೆ 50 ಸಾವಿರದಿಂದ 75 ಸಾವಿರ ರೂ.ವರೆಗೆ ಮಾತ್ರ ಹಣ ತೆಗೆಯಬಹುದು.
ಹಿಂದೆ ಕೆಲವು ಕಾರ್ಡ್ಗಳಲ್ಲಿ 1 ಲಕ್ಷದವರೆಗೆ ಅವಕಾಶ ಇತ್ತು, ಆದರೆ ಈಗ ಅದನ್ನು ಕಡಿತಗೊಳಿಸಲಾಗಿದೆ.
ಇದೇ ವೇಳೆ Jio Payments Bank ಹೊಸದಾಗಿ QR ಕೋಡ್ ಆಧಾರಿತ ಹಣ ತೆಗೆಯುವ ವ್ಯವಸ್ಥೆಯನ್ನು ಪರಿಚಯಿಸಿದೆ.
ಇದರ ಮೂಲಕ ಗ್ರಾಹಕರು ಯುಪಿಐ QR ಕೋಡ್ ಸ್ಕ್ಯಾನ್ ಮಾಡಿ, ತಮ್ಮ ಮೊಬೈಲ್ ಅಪ್ಲಿಕೇಶನ್ನಲ್ಲಿ ವ್ಯವಹಾರ ದೃಢೀಕರಿಸಿ, ಬ್ಯಾಂಕಿಂಗ್ ಪ್ರತಿನಿಧಿಗಳಿಂದ ನಗದು ಪಡೆಯಬಹುದು.
