ಕಾರವಾರ: ಕುಮಟಾ ತಾಲೂಕಿನ ದೀವಳ್ಳಿ ಗ್ರಾಮದ ನಿವಾಸಿ ರೇಷ್ಮಾ ನಿತ್ಯಾನಂದ ನಾಯ್ಕ (34) ಅವರು ತಮ್ಮ ಇಬ್ಬರು ಮಕ್ಕಳಾದ ಜಾಹ್ನವಿ (10) ಮತ್ತು ಯಶಿಕಾ (7) ಜೊತೆ ಏಪ್ರಿಲ್ 16ರಂದು ಮಧ್ಯಾಹ್ನ 12.30ರ ಸುಮಾರಿಗೆ ಮನೆಯಿಂದ ತವರು ಮನೆಗೆ ಹೋಗುವುದಾಗಿ ಹೇಳಿ ಹೊರಟಿದ್ದಾರೆ. ಆದರೆ ಅವರು ತವರು ಮನೆಗೂ ತೆರಳದೇ, ಮರಳಿ ಮನೆಗೂ ಬಾರದೇ ಕಾಣೆಯಾಗಿದ್ದಾರೆ.
ನಾಪತ್ತೆಯಾದವರ ವಿವರ:
- ರೇಷ್ಮಾ ನಿತ್ಯಾನಂದ ನಾಯ್ಕ (34): ಸುಮಾರು 5 ಅಡಿ ಎತ್ತರ, ಉದ್ದನೆಯ ಮುಖ, ಸದೃಢ ಮೈಕಟ್ಟು, ಗೋಧಿ ವರ್ಣ. ಹಸಿರು ಬಣ್ಣದ ಚೂಡಿದಾರ ಟಾಪ್ ಹಾಗೂ ಕಪ್ಪು ಲಗೀನ್ಸ್ ಧರಿಸಿದ್ದಾಳೆ. ಕೊಂಕಣಿ ಮತ್ತು ಕನ್ನಡ ಭಾಷೆ ಮಾತನಾಡುತ್ತಾಳೆ.
- ಜಾಹ್ನವಿ ನಿತ್ಯಾನಂದ ನಾಯ್ಕ (10): ಸುಮಾರು 4 ಅಡಿ ಎತ್ತರ, ಉದ್ದನೆಯ ಮುಖ, ಸಾಧಾರಣ ಮೈಕಟ್ಟು, ಗೋಧಿ ವರ್ಣ. ಬೂದಿ ಬಣ್ಣದ ಫ್ರಾಕ್ ಧರಿಸಿದ್ದಾಳೆ. ಕನ್ನಡ ಮಾತನಾಡುತ್ತಾಳೆ.
- ಯಶಿಕಾ ನಿತ್ಯಾನಂದ ನಾಯ್ಕ (7): ಸುಮಾರು 3 ಅಡಿ ಎತ್ತರ, ದುಂಡನೆ ಮುಖ, ಸಾಧಾರಣ ಮೈಕಟ್ಟು, ಗೋಧಿ ವರ್ಣ. ಕಂದು ಬಣ್ಣದ ಫ್ರಾಕ್ ಧರಿಸಿದ್ದಾಳೆ.
ಇವರ ಬಗ್ಗೆ ಯಾವುದೇ ಮಾಹಿತಿ ದೊರೆತಲ್ಲಿ ತಕ್ಷಣ ಕುಮಟಾ ಪೊಲೀಸ್ ಠಾಣೆಯ ದೂರವಾಣಿ 08386-222333 / 9480805272 ಸಂಪರ್ಕಿಸುವಂತೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ.
